Bismillahirrohmaanirrohiim
Assalamualaikum Wr.Wb.
Alhamdulillahi Rabbil ‘Alamin
Asyhadualla ila ha ilalloh wa asyhaduanna
Muhammadarrasullah.
Tasyakuran aqiqoh anak bagus (nama bayi) putranipun bapak........... saha ibu.............. wonten ......... Dinten ..........., surya kaping ...............2016.
Bapak ibu ingkang kula
bekteni. Minangka pambukaning adicara, mangga kita sedaya tansah angonjukaken puja
astawa puji astuti raos syukur wonten ngarsa dalem Allah SWT, dene ing wekdal
siyang punika kula lan panjenengan sedaya tansah pinaringan kasarasan,
kekiyatan, sami saged rawuh wonten ing dalemipun Bapak saha Ibu ................... ingkang wekdal punika ngawontenaken tasyakuran aqiqoh
wayahipun ingkang sesilih anak bagus ............ ingkang sampun lahir
kanthi wilujeng rikala dinten .................. wanci tabuh .............. wonten ing .............
Shalawat saha salam kita aturaken wonten ngarsanipun
Nabi Muhammad SAW minangka rahmatan lil’alamin, para kaluwarga lan para
pandherekipun ingkang tansah setya bekti dumugi puputing jaman.
Bapak ibu ingkang winengku ing karahayon, kula ingkang kasaraya minangka pambiwara ing
wekdal punika badhe angaturaken menggah urut-urutaning lampah adicara tasyakuran
aqiqoh ing siyang punika:
@ minangka purwakaning adicara inggih punika pambuka
@ adicara
kaping kalih inggih punika waosan ayat ayat suci Al Qur’an
@ titilaksana ingkang kaping tiga inggih punika atur pambagyaharja
@ ingkang angka sekawan sambutan
@ adicara
salajengipun inggih punika tauziah kalajenganken donga
@ adicara ingkang pungkasan inggih menika panutup
Mekaten menggah reroncening adicara tasyakuran aqiqoh
lairipun anak bagus (nama bayi)
Pambuka
Gegandhengan wekdal punika sampun nedahaken tabuh
kalih welas langkung, pramila titilaksana
tasyakuran aqiqoh kita wiwiti kanthi maos basmallah sesarengan:
“bismillahirrohmanirrohim”. Mugi-mugi kanthi kita wiwiti nyebat asmanipun Gusti
Allah, gesang kita tansah kinasihan Gusti Allah lan tansah pinaringan rejeki
ingkang kathah saha berkah…. Amin…
Waosan ayat suci Al Qur’an
Adicara ingkang angka kalih inggih punika waosan ayat
suci Al-Qur’an ingkang dipun sarirani bapak ......................... kula
sumanggakaken, sumangga.
Atur Pambagyaharja
Mugi-mugi kanthi dipunpurwakani firman-firmanipun
Allah, titilaksana tasyakuran punika tansah manggih wilujeng lan tansah
pikantuk berkahing Gusti ingkang Maha Asih. Adicara kaping tiga inggih punika
atur pambagyaharja ingkang dipun sarirani bapak ......................
jumenengipun jinajaran panjenenganipun bapak............ kaliyan ibu ................ kula sumanggakaken, sumangga.
Sambutan
Adicara ingkang kaping sekawan inggih punika sambutan
bapak ................ Katur dumateng bapak ................
kula sumanggakaken, sumangga
Pengaosan aqiqoh
Adicara ingkang kaping gangsal inggih punika pengaosan
aqiqoh kalajengaken donga ingkang kaandharaken saha dipun sarirani panjenenganipun
Al-Ustad bapak .............saking ..............
Wekdal
sacekapipun kula pasrahaken bapak Ustad, katur panjenengan Bapak Ustad .................... kula sumanggakaken, sumangga.
Adicara aqiqoh paripurna.
Bapak ibu ingkang winengku ing karahayon, tasyakuran
aqiqoh anak bagus (nama bayi) wiwit purwa, madya lan wasana tansah
kalampahan kanthi rancak lan runtut kalisa ing rubeda.
Bapak ibu ingkang tansah kula bekteni, mekaten
reroncening adicara ing siang menika, sepisan malih bapak .................. angaturaken panuwun ingkang tanpa pepindhan menggah rawuh panjenengan
sedaya. Ingkang punika konduripun ndhrerekaken sugeng kondur, mugi-mugi
tindak panjenengan sedaya tansah manggih wilujeng dumugi dalemipun piyambak-piyambak.
Kula minangka pambiwara menawi anggenipun anglantaraken lan mranata reroncening
lampah adicara ing siyang punika kathah kalepatanipun, kula namung nyuwun lumubering samudra pangaksama. Nuwun ,
maturnuwun…
Billahitaufiq wal Hidayah, wassalamu’alaikum Wr. Wb.